Danskit-amerikamiut illersornissamut sakkutooqarfiini, isumaqatigiissut 27. april 1951-imeersoq naapertorlugu pilersinneqartuni, nalunaarasuartaatitigut attaveqarneq sullissinerillu pillugit Inatsisartut peqqussutaata atortuulersinneqarneranik Namminersornerullutik Oqartussat nalunaarutaat nr. 31, 10. august 2001-imeersoq.

 

Nalunaarasuartaatitigut attaveqarneq sullissinerillu pillugit Inatsisartut peqqussutaanni nr. 10-mi, ulloq 28. oktober 1993-imeersumi, Inatsisartut peqqussutaatigut nr. 12-ikkut, ulloq 6. november 1997-imeersukkut allanngortinneqartumi, § 16, imm. 3 naapertorlugu, aamma danskit naalakkersuisui ulloq 3. juli 2001 isumaqatigiissuteqarfigineqarnerisa kingorna aalajangersarneqarpoq:

§ 1. Danskit-amerikamiut illersornissamut sakkutooqarfiini, Kalaallit Nunaata illersornissaanut isumaqatigiissut 27. april 1951-imeersoq naapertorlugu pilersinneqartuni, nalunaarasuartaatitigut attaveqarneq sullissinerillu pillugit Inatsisartut peqqussutaat nr. 10, 28. oktober 1993-imeersoq, Inatsisartut peqqussutaatigut nr. 12-ikkut, 6. november 1997-imeersukkut allanngortinneqartoq, atortuulersinneqarpoq.

§ 2. Nalunaarut ulloq 1. september 2001 atuutilerpoq.

Namminersornerullutik Oqartussat, ulloq 10. august 2001.

Steffen Ulrich-Lynge

/

Jens K. Lyberth